Kungwini sal bes moontlik etlike miljoene rand aan belastingbetalers moet terugbetaal.

Dit volg nadat die Kungwini plaaslike regering se appèl om buitensporige verhogings in belastinggelde sedert 2004 geldig te maak, op 2 Junie in die Hooggeregshof van die hand gewys is.

Die appèlsaak was ‘n laaste poging om ‘n vroeëre hofbeslissing ten gunste van die Silver Lakes huiseienaarsvereniging, ter syde te stel. Die appèlsaak-beslissing beteken dat die verhoogde belasting wat sedert 2004 in groot dele van die Bronberg-gebied deur Kungwini gehef word, nie geldig was nie.

Prokureurs het reeds ‘n saak namens die Six Fountains veiligheidsdorp aanhangig gemaak, waarvolgens R438 640 aan oorbetaling van belastinggelde geëis word.