Prof Chris J van Vuuren van Mooiplaats skryf:

Dankie vir ?n eie en eiesoortige tydskrif. Wat van ?n tweeweeklikse uitgawe? In verband met die Mooiplaats en ander moontlike grondeise in die omgewing: Ek is bereid om die grondeienaars behulpsaam te wees met die antropologiese en historiese navorsing oor die eisers se aanspraak.

Ek is sedert 1978 betrokke by navorsing op die terrein van die mondelinge oorleweringe en geskiedenis van plase in onder andere die Pienaarsrivier-gebied. In kort, grond wat aan die Ndebele se mondelinge oorleweringe gekoppel word.

Ek het veral sedert 1985 op die meeste plase in die omgewing saam met Ndebele oudstes rondbeweeg. Ek doen die afgelope aantal jare heelparty grondeis-ondersoeke en bied hiermee my hulp en ervaring aan.

Grondeienaars kan my gerus op my selfoon, 082-424-2746, of per e-pos, This e-mail address is being protected from spambots. You need JavaScript enabled to view it , kontak. Sterkte met die tydskrif!