Dankie vir wonderlike skool PDF Print E-mail
News - Briewe
Monday, 18 August 2008 01:59
Untitled Document

Ina du Preez skryf:

Ek wil net vir die mense sê wat kleuters het en dalk nie gelukkig is met hul kleuterskool nie en of dalk by die huis sit met kleinding - julle moet regtig ’n draai gaan maak by Nethania.

Ek het twee kleuters van vier en twee jaar oud. Hulle was in ’n kleuterskool in die Moot en hulle het mekaar nie bedags gesien nie omdat hulle die kinders in verskillende klasse sit.

My kinders het in die middae so baklei met mekaar omdat hulle net gewoond was om mekaar te sien in die aande en die oggende. Noudat hulle saam in die skool is in dieselfde klas en mekaar heeldag sien is daar nie meer sulke dinge nie. Daar is min kinders en baie aandag.

En waar kry jy ’n kleuterskool wat die kinders se tande na ete borsel en sonblok-room aansit as hulle buite gaan speel? En beter nog, hulle gesigte word gereeld room gesmeer vir die winter skurfheid! En dan praat ons nie eers van die gebalanseerde maaltye wat hulle kry en die lekker versnaperings soos wafels en stroop of muffins en yogurt nie.

Anneri, baie dankie vir jou wonderlike skool!

 

© 2019 Die/The Bronberger