Het jy gehoor? / Have you heard? - Aug 2008 PDF Print E-mail
News - Het Jy Gehoor
Monday, 18 August 2008 02:12
Untitled Document

Theresa en Robert, wat voorheen by Bronberg Lodge gewerk het, gaan in die Bronberg-gebied kom trou. Die troue word op 6 September by Hennie en Piet se dam gehou. Theresa sê alle Bronbergers wat haar ken, is welkom. Hulle moet haar net eers bel by 076-542-0958.

xxx

Is dit tekenend van ons verwarde samelewing dat die twee beste verkopers in die boekwinkels, kookboeke en dieetboeke is?

xxx

Ou Nico, 'n plaaslike rekenmeester, sê 'n mens kry drie soorte rekenmeesters. Dié wat kan tel en dié wat nie kan tel nie.

xxx

Ou Proppie sê sy lyf was onbeskryflik seer, nadat hy vir die eerste keer in baie jare weer gym toe gegaan het. Hy sê die enigste manier om sy tande te borsel, was om die tandeborsel op die wasbak neer te sit en sy mond heen en weer te beweeg. Om te bestuur was oraait, solank hy nie hoef te gedraai het of briek te getrap het nie. Die ergste was dat hy net magteloos daar gestaan en wag het dat die ou, teen wie se kar se agterkant hy vasgery het, hom 'n klap moes gee.

xxx

Ster van die maand
Dié toekenning gaan aan Roelf Kruger Auto in Rayton wat oombliklik reageer het toe een van Die Bronberger se afleweringsmense in die moeilikheid geraak het op die Ou Bronkhorstspruitpad. Roelf en sy seun was binne minute by die voertuig, het hom met plattelandse riendelikheid ingesleep Rayton toe, parte laat kom en die herstelwerk binne twee ure gedoen.

xxx

Krater van die maand
Dié toekenning gaan aan 'n mens wat 'n tandartspraktyk in Die Bronberger geadverteer het. Daar is nogal 'n jaar vooruit bespreek, maar hy was blykbaar nooit van plan om te betaal nie. Sy advertensies is ná maande se wanbetaling gestop. Ná herhaalde vriendelike versoeke en leë beloftes van sy kant af, is hy aan skuldinvorderaars oorhandig. Hierop het die man laat weet dat hy hom "nie laat dreig nie" en dat ons hom maar moet dagvaar. Wat ons nou maar moet doen. As iemand 'n tandarts soek vir 'n lekker gratis kroon of inplantaat of twee, ons het net die man vir jou. Hy glo nie aan betaling vir diens nie.

 

© 2019 Die/The Bronberger