Chimoné Lambrechts van Pretoriuspark is die gelukkige wenner van die Dingaan drie-stuk sitkamerstel ter waarde van R12 000.

Chimoné het dié stel, geskenk deur Senex Interiors in die Wapadrand winkelsentrum, gewen deur ’n toegangskaartjie by die Paul Jungnickelhuis se Nickel Kersmark te koop.

Dit was maar die tweede keer wat Chimoné dié Kersmark besoek het.“Ek sien elke keer uit daarna,” sê sy.“En dit is vir ’n goeie doel. As almal net ’n bietjie gee kan dit ’n groot verskil maak vir baie mense.” Chimoné sê dat die een- en driesitplekbanke in die Lambrechts se leefarea staan en die tweesitplekbank in die braaikamer.

Alle fondse wat met dié kompetisie ingevorder is, gaan aan die Paul Jungnickelhuis vir gestremdes in Lynnwoodweg-verlenging, Zwavelpoort.