Stefaans van Tygervallei skryf:
Die stukkie onder “kommentaar” in die Februarie-uitgawe van Die Bronberger was in die kol. Dit is hoog tyd dat iemand die treurige, nuttelose munisipale bestuur van Kungwini uitwys vir wie en wat hulle is.

Iets wat my egter pla, is hoekom Kungwini toegelaat word om goedsmoeds voort te gaan met hulle skrynende wanbesteding, as almal weet hulle dae is getel hier in ons kontrei waar Pretoria een van die dae die gemors wat hulle gelos het, moet oorneem.

Ek wil net nie glo dat Pretoria hulle goedkeuring aan die wit olifant gegee het wat hulle broers in Kungwini nou vir hulle hier in Shere bou nie. Behoede ons tog.