Het jy gehoor? / Have you heard? - Apr 2009 PDF Print E-mail
News - Het Jy Gehoor
Monday, 20 April 2009 10:09
Untitled Document

Did you hear about the crazy hat party held at Ndlovu Lodge’s boma in the beginning of April? Even diplomats from the Japanese embassy took part in the fun. They folded hats from newspaper in the traditional Japanese origami style en decorated their creations with a red dot, symbolising the Japanese flag. If you thought that diplomats won’t dance in the dust of an African boma, think again. This party kept Ndlovu’s Ben and Amos awake until the early hours of the morning.

xxx

Ons hoor ’n paar vierwielfietsers het hulle op ’n onlangse naweekuitstappie skielik op ’n baie nat grondpad neffens die Mangwanani Spa in Bashewa bevind. Wat vreemd was, omdat daar nie eintlik sprake van reën was nie. By nadere ondersoek blyk dit toe dat die oorsaak van die ontydige modderpad rou riool was. Die een ‘quadgeesdriftige’ meen dat iemand bloot riool in die pad uitgepomp het. Die riool het toe in ’n stroom padlangs gevloei en uiteindelik in die spruit beland. Gevaarlike dinge in die drinkwater.

xxx

Die moontlikheid om toegang tot die Zwavelpoort-teerpad en ander toegangspaaie na die suidelike dele van Zwavelpoort met hekke te beheer, word deur inwoners ondersoek. ’n Vergadering hieroor is op 18 April gehou.

xxx

Ons hoor die honde-ooievaar het ’n sekere hoewe in Zwavelpoort onlangs met mening besoek. Die gevolg is dat nog ’n tienstuks baie oulike baster Jack Russel-brakkies na nuwe huise soek. Jy kan Herman bel by: 083-263-3069 as jy dalk in só ’n huis bly.

xxx

Op Kungwini se webblad is daar hierdie maand een inskrywing onder ‘events’ en dit is ’n sogenaamde ‘imbizo’ van die burgemeester. ‘Imbizo’ is die Zoeloewoord vir vergadering en die prikkelaar op die webblad wil te vertelle hê dat dié imbizo sal gaan oor ‘Business Unusual’. ’n Onderwerp waaroor Kungwini se stadsvaders en munisipale amptenare om al die verkeerde redes beslis uitgebreide kennis en ervaring behoort te hê, reken ons. Maar as jy meer oor die gedoente wil weet, moet jy op die webblad kliek op ‘read more’ en daardie skakel wil om de dooie dood nie werk nie. In die rede wat ons rekenaar gee vir die weiering van die skakel om oop te maak, lê dalk profetiese waarhede oor Kungwini se ‘imbizo’ en optrede in die algemeen opgesluit. Dit sê: “Arguments are of the wrong type, are out of acceptable range, or are in conflict with one another.”

 

© 2019 Die/The Bronberger