Inperking van ander aard hou baba op sy plek Print E-mail
News - Toeka se dae
Wednesday, 20 May 2020 20:30
Untitled Document

In dié tyd van inhokking kan ‘n mens nie help om te soek na gevalle in die verlede waar mense vir hulle eie sogenaamde beswil ingehok is nie. Min het ons verwag om op gevalle af te kom waar babas ewe liefdevol in werklike draadhokke uit woonstelvensters gehang is.


’n Skermgreep uit die oorspronklike 1930’s televisie-advertensie vir babahokke

Goedbedoelende ma’s het hulle babas soos wasgoed by die venster uitgehang in ‘n aardige hoenderhokagtige kontrepsie wat in 1922 deur Emma Read van Spokane in die staat Washington in Amerika gepatenteer is. Haar patent is op 13 Maart 1923 toegestaan.


Dié baba lê poedelnakend in die draadhok
Foto: Reg SpellerGetty Images

Die kenners sê dat die oorsprong van dié idee gevind kan word in dr Luther Emmett Holt se 1894 boek, ‘The care and feeding of children: A catechism for the use of mothers and children’s nurses’. Hy het baie versigtig beskryf hoe babas lug moet kry, ietwat soos ‘n muwwe mat, om hulle bloed skoon te maak.


Dié outjie sit in ‘n mandjie in sy hok
Foto: Norman Smith

Dr Holt was ook ‘n voorstander vir die blootstelling aan baie koue temperature sodat babas ‘n immuniteit teen verkoues kan opbou. Hy het gesê dat ouers nie met hulle babas moet speel tot hulle ouer as ses maande is nie, omdat dit hulle senuweeagtig en prikkelbaar maak (dis nou die babas). Dit laat hulle glo ook sleg slaap en aan spysverteringsprobleme ly as hulle te veel aandag kry.


Hoe ver sal ‘n ma gaan om haar baba aan vars lug bloot te stel?
Foto: Getty Images

In 1906 reeds het Eleanor Roosevelt glo ‘n hoender-draadhok gekoop met die doel om haar pasgebore baba, Anna, wat op 3 Mei 1906 gebore is, by ‘n noordelike venster in hulle New York-woonstel te laat uithang. Toe haar bure sien wat sy doen het hulle gedreig om haar by die welsyn aan te meld as sy nie dadelik die hok verwyder nie.


Dr Luther Emmett Holt, Amerikaanse pediater en skrywer
Foto: Wikipedia

Teen die 1930’s het Emma Read se patent in Brittanje vlam gevat en hordes babas het in London se besoedelde lug by vensters uitgehang. In 1937 het die Chelsea Babaklub dié kontrepsie aan hulle lede in London versprei met die denke dat mense wat in woonstelle bly nie hulle babas iewers in ‘n tuin kan laat lê om lug te kry nie. London se East Poplar stadsraad het aangebied om die hokke buite woonstelvensters vas te maak.


Dié baba lyk nie te gelukkig met die stand van sake nie
Foto: Fox PhotosGetty Images

Emma Read se oorspronklike patent het ontwerpe vir hokke met dakkies op gehad, maar die meeste babahokke was net van draad gemaak en heeltemal oop sodat mis, motreën en selfs voëlmis op die babas geval het. Haar patent het ook voorsiening gemaak vir ‘n gordyn wat toegetrek kon word, sodat die babas in die hok kon slaap.


Dié baba het darem ‘n string krale om na te kyk
Foto: Hulton-Deutsch Collection/Corbis

Babahokke het glo rondom die vroeë 1940’s uit die mode geraak toe die Duitsers Londen in die Tweede Wêreldoorlog begin bombardeer het.


Die vrou op die grond waai vir ‘n kleuter in die hok
Foto: Daily Mirror/Mirrorpix/Corbis
.


Dié advertensie sê dat skerms aangebring kan word as insekte die baba in die hok pla
Foto: Keystone

Ondersteun die Bronnie
Ongekende omstandighede, waarin tientalle gevestigde publikasies, wat oor dekades heen te koop was, onlangs gedwing is om te sluit, noop ons om ‘n beroep op die Bronnie se getroue lesers te doen. Die Bronberger word as onafhanklike publikasie die afgelope 18 jaar elke maand gratis aan ons gemeenskap en wyer gebring. Dit is ons plesier om dié diens te lewer en ons is vasbeslote om daarmee voort te gaan. Jou vrywillige bydrae, hoe klein of groot ook al, eenmalig of maandeliks, sal baie help hiermee en oneindig waardeer word. 
Elektroniese oorplasing:
Naam:
 Bronberg Uitgewers.
Bank: First National Bank.
Tak:
 Olympus Plaza.
Takkode: 258155.
Rekening nr: 62446997407.
Soort: Tjek. 
Verwysing: Donasie (jou naam).
E-pos:  This e-mail address is being protected from spambots. You need JavaScript enabled to view it

Nuuste Koronavirus statistieke:

Aflaai van die Die Bronberger Mei weergawe in elektroniese PDF formaat:

 

© 2020 Die/The Bronberger