Pierre ‘speel’ beskermengel in gewapende roof Print E-mail
News - Aktueel
Wednesday, 17 June 2020 14:26
Untitled Document

Pierre Breytenbach, bekende akteur, aanbieder en komediant van die Bronberg-gebied, het hom oor twee laerskoolkinders ontferm in ‘n gewapende roof, waar ongeveer R1 miljoen se toerusting gebuit is.

Die drama op 23 Mei het begin toe nege gewapende mans by Fritz de Jager se Bottomside Studios in Lynnwood Glen opgedaag het. Pierre was daar om sy rekenaar te laat opdateer en Fritz se graad drie dogtertjie, Hanna, en graad vyf seuntjie, Riekert, het in die ateljee gespeel.

Die hekke is vir ‘n wit Audi oopgemaak omdat besoekers verwag is. Daarna het Pierre van binne af gehoor hoe ‘n vuurwapen oorgehaal word. Hy het Fritz en Morné Lourens, wat saam met Fritz werk, buite op die grond sien lê.

Van die gewapende rowers het die ateljee binne gestorm en ‘n wapen teen Pierre se kop gedruk. Hy is gedwing om te lê en Hanna het langs hom gaan lê. Pierre het vir die rowers gesê dat daar ‘n seuntjie speel en gevra dat hulle hom na Pierre moet bring en asseblief niks aan die kinders moet doen nie.


Pierre Breytenbach en sy vrou, Anzel
Foto: Facebook

Daarna het Pierre vir die rowers gevra of hy en die kinders in die badkamer kan gaan lê sodat hulle uit die pad kon wees. Hy het voor die badkamerdeur gelê om die kinders te beskerm en het die heeltyd kalm met hulle gepraat.

Die rowers het rekenaars, insluitende Pierre se rekenaar en horlosie, asook kameras, klanktoerusting, mengbanke en grootskerms gesteel. Hulle is in drie voertuie daar weg: Die wit Audi, hulle Nissan NP200 en ’n paneelwa, wat aan mense behoort wat saam met Fritz by die ateljee werk.

Die leë paneelwa is later naby Mamelodi gevind. Die rowers is nog nie gevang nie.

Die volgende oggend was Pierre weer op sy pos as sanger vir die NG gemeente Tygerpoort se aanlyn-kerkdiens.

Pierre is die oudste seun van Nico en Lynette Breytenbach, wat die restourant by Kitty Hawk Luglandgoed op Boschkop bedryf. Hulle is ou bekendes in die gebied en het in die vroeë 2000’s Nikos restourant in die Zwavelpoort-sentrum bedryf. Lynette was ook vir jare by die Kungwini Welsynsorganisasie doenig.


Ondersteun die Bronnie
Ongekende omstandighede, waarin tientalle gevestigde publikasies, wat oor dekades heen te koop was, onlangs gedwing is om te sluit, noop ons om ‘n beroep op die Bronnie se getroue lesers te doen. Die Bronberger word as onafhanklike publikasie die afgelope 18 jaar elke maand gratis aan ons gemeenskap en wyer gebring. Dit is ons plesier om dié diens te lewer en ons is vasbeslote om daarmee voort te gaan. Jou vrywillige bydrae, hoe klein of groot ook al, eenmalig of maandeliks, sal baie help hiermee en oneindig waardeer word. 
Elektroniese oorplasing:
Naam:
 Bronberg Uitgewers.
Bank: First National Bank.
Tak:
 Olympus Plaza.
Takkode: 258155.
Rekening nr: 62446997407.
Soort: Tjek. 
Verwysing: Donasie (jou naam).
E-pos:  This e-mail address is being protected from spambots. You need JavaScript enabled to view it

Nuuste Koronavirus statistieke:

Aflaai van die Die Bronberger Junie 2020 in elektroniese PDF formaat:

 

© 2020 Die/The Bronberger