Reaksiespan gestig om nood aan te spreek Print E-mail
News - Aktueel
Wednesday, 17 June 2020 14:28
Untitled Document

Die Diamant Kamer van Koophandel het ‘n Gemeenskap Covid-19 Reaksiespan op Cullinan gestig om die reuse finansiële en emosionele behoeftes in die gemeenskap aan te spreek.

Dié span word deur die kamer se trustees bestuur. Hulle bring gemeenskapsgedrewe projekte op die been sodat die droewige humanitêre krisis wat besig is om te ontvou, die hoof gebied kan word. Spanlede praat met relevante regeringsrolspelers sodat items soos kospakkies, maskers en reinigingsmiddels uitgedeel kan word.

Die span vra dat alle sake-ondernemings in die omgewing hulle skakel sodat ‘n beter prentjie van nood in die gemeenskap gevorm kan word. Dit is die kamer se doel om plaaslike ondernemings, sake-eienaars en hulle werknemers, wat negatief deur die krisis beïnvloed word, te ondersteun.


Kloksgewys: Stanley Mukonomashava; Louw Allan; Adelle Roberts; Vincent van der Merwe;
Sarah van den Berg; Arvid Smedsrud; John-Ernest Fogwell; en Etienne Coetzee 
Foto: Verskaf

Die kamer het aan die begin van grendeltyd ‘n ekonomiese ondersteuningsplan van stapel gestuur om die plaaslike ekonomie te ondersteun. Gratis advies oor Tydelike Werkgewer/Werknemer Verligtingskema (TERS) en noodsaaklike regs- en finansiële ondersteuning is aan verskeie ondernemings gebied. Hulle werk aan ‘n aantal nuwe projekte, soos ‘n gemeenskap-koeponprogram, wat binnekort van stapel gestuur gaan word.

Voorsitter, John-Ernest Fogwell, sê dat lede van dié kamer gevra word om inligting oor die gemeenskap- en sake-behoeftes te voorsien en om die kamer op hoogte te hou van nood in die gemeenskap. “Saam sal ons oorleef,” het hy gesê.

Vir meer inligting, kontak die Diamant Kamer van Koophandel by 012-305-2501 or This e-mail address is being protected from spambots. You need JavaScript enabled to view it .


Ondersteun die Bronnie
Ongekende omstandighede, waarin tientalle gevestigde publikasies, wat oor dekades heen te koop was, onlangs gedwing is om te sluit, noop ons om ‘n beroep op die Bronnie se getroue lesers te doen. Die Bronberger word as onafhanklike publikasie die afgelope 18 jaar elke maand gratis aan ons gemeenskap en wyer gebring. Dit is ons plesier om dié diens te lewer en ons is vasbeslote om daarmee voort te gaan. Jou vrywillige bydrae, hoe klein of groot ook al, eenmalig of maandeliks, sal baie help hiermee en oneindig waardeer word. 
Elektroniese oorplasing:
Naam:
 Bronberg Uitgewers.
Bank: First National Bank.
Tak:
 Olympus Plaza.
Takkode: 258155.
Rekening nr: 62446997407.
Soort: Tjek. 
Verwysing: Donasie (jou naam).
E-pos:  This e-mail address is being protected from spambots. You need JavaScript enabled to view it

Nuuste Koronavirus statistieke:

Aflaai van die Die Bronberger Junie 2020 in elektroniese PDF formaat:

 

© 2020 Die/The Bronberger