Elsabé Maré
Rugby-legende, Jan Ellis, woon
en werk die afgelope 24 jaar
op sy Nooitgedacht-plot buite
Rayton. Hier bedryf hy sy eie afslaersaak,
en het ’n winkelkompleks
sowel as ’n vulstasie gevestig.
En die rede hoekom hy begin het
om ’n landelike vendusie aan te
bied? Jan sê dat hy nog altyd met
mense gewerk het. So het ek groot
geword, en so gaan ek aan, sê hy.
“Hier was ’n vendusietjie waar ek
moes uithelp as afslaer, alhoewel ek
nie gedink het ek sal ’n afslaer word
nie.”
Hy het die werk geniet en ’n kursus
as afslaer suksesvol voltooi. Toe Jan
die vendusie oorgevat het, was daar
so tien mense op ’n Saterdag. Vandag
het dié vendusies ’n instelling
vir die gemeenskap geword.
Die Springbokspan het in 1969/70 na die Britse Eilande en Ierland getoer. Jan vertel dat die jongmanne staan en die ouer manne in die span voor sit.
Jan is tweede van regs tussen Mof Myburgh en Hannes Marais. Heel links is Frik du Preez met Syd Nomis en Tommy Bedford langs hom. In die middel
voor is kaptein Dawie de Villiers met die spanbestuurder, Corrie Bornman en onder-bestuurder Avril Malan langs hom
Sy vulstasie naby die Rayton/Bapsfontein-
kruising op die ou Bronkhorstspruitpad
word bedryf deur sy
dogter, Petro Olivier. Vroeër vanjaar
het dié vulstasie een van die eerste
landelike stasies geword wat 24-uur
per dag oop is. Allerhande meganismes
is ook in werking gestel om
tipiese plattelandse probleme, soos
kragonderbrekings en telefoonkabels
wat gesteel word, teen te
werk.
Jan se rugby-aanhangers sal jou vandag
nog vertel dat daar waar hy
was, altyd iets gebeur het. As hy in
’n losskrum ingaan, sien jy hoe kom
sy hand met die bal uit.
Jan Hendrik Ellis het sy toetsdebuut
as Springbokflank op 23 jarige ouderdom
gemaak. Dit was in ’n wedstryd
tussen die Springbokke en
New Zealand in Wellington, in Julie
1964. Die laaste toets wat hy gespeel
het was ook teen New Zealand,
in Julie 1974 in Durban op
34 jarige ouderdom. Jan het 38 keer
vir die Springbokke uitgedraf teen
Australië, New Zealand, Frankryk,
die Britse Eilande en Ierland.
Afdrukke van dié Springbokspanfoto kon destyds bestel word by Posbus
170, Arcadia, Transvaal. Jan Ellis sit heel regs in die voorste ry. Sy
flankmaat, Piet Greyling, is vierde van links in die agterste ry
Jan het uitgeblink as losvoorspeler,
sy spel het die verbeelding van die
toeskouers aangegryp en by sy
teenstanders vrees ingeboesem. Hy
was altyd superfiks en sy teenstanders
het dit veral in wedstryde besef.
Wanneer die spelers se spiere
begin tam word in die tweede helfte,
skakel Jan oor na ’n hoër rat.
In Windhoek se omgewing is daar
pragtige kliprandjies en vir Jan was
dit ’n gymnasium waar hy die rante
op en af gedraf het, uur na
uur.
As fiksste lid van sy span was sy
naam eerste en outomaties op die
lys as ’n Springbokspan gekies
word. In die begin van sy loopbaan
het hy vir Suidwes-Afrika en Transvaal
uitgedraf en hy beskou die tyd
wat hy in Otjiwarongo vir die klub
en vir Namibië gespeel het, as van
sy lekkerste rugbydae. Jan is in Brakpan
gebore, maar het in die destydse
Suidwes-Afrika grootgeword.
?n Foto destyds van Jan in ?Die
Huisgenoot? se sportalbum |
Jan, in 2009, as afslaer by een
van sy Saterdagveilings |
Met sewe toetsdrieë agter sy naam,
was hy destyds een van die voorste
driedrukkers van Springbokrugby.
Dit was net John Gainsford en
Jannie Engelbrecht wat elk agt drieë
gedruk het, wat hom kon troef.
Sy vermoë om ’n bal te hanteer en
te bemeester, sy spoed en krag, het
hom bo die ander spelers laat uitstaan.
Die rooikop se kragtige lopies
met die bal stewig in een van die
groot hande vasgeklem, het rugbyskares
wêreldwyd gaande gehad
.
Baie kenners is van mening dat die
losvoorspeler-kombinasie van Jan
Ellis, Piet Greyling en Tommie
Bedford die beste was wat nog die
groen en goud gedra het. |