Het jy gehoor? / Have you heard? - Feb 2008 PDF Print E-mail
News - Het Jy Gehoor
Wednesday, 20 February 2008 02:00
Untitled Document

Ons verstaan die gronddamme in die Zwavelpoortspruit is ná die kwaai reëns sommer baie geld werd. Want, sê ’n onstigde dameienaar, al die bogrond van die kaalgestroopte ‘The Hills’ het in hulle damme beland. En grond by ‘The Hills’ is glad nie goedkoop nie.

xxx

A couple of guys sat drinking at a Bronberg pub. Apparently the one guy’s wife is an angel. His friend commented: “You’re lucky; mine is still alive.” When the laughing died down, John said that many people have asked him the secret of his long marriage. “We make time to go to a restaurant twice a week. You know, candlelight, romantic music, dinner and dancing. I go on Thursdays and she goes on Tuesdays.”

xxx

Ou Marius sê hy was nooit seker wat ’n “agtergeblewene” presies is nie en hoe om só iemand te definieer nie. Maar toe tref dit hom eensklaps: “Dit is ’n ou wat op die stasie staan en wag vir die trein wat hy gister afgebrand het.”

xxx

Nog ’n kleindogter van Prof Alkmaar en mev Swart van Bashewa presteer. Anita Swart het sewe hoërgraad onderskeidings met ’n gemiddeld van 89% in die afgelope matriekeksamen behaal. Haar sussie Marelize het in 2005 gespog met ses hoërgraad onderskeidings. Anita was ’n leerling van die Afrikaanse Hoër Meisieskool en studeer nou fisioterapie by die Universiteit van Pretoria. Dit is haar droom om eendag die Blou Bulle onder hande te neem.

xxx

‘n Reuse advertensiebord, die Ingelse sou sê dis ’n ‘billboard’, het sy verskyning langs een van Zwavelpoort se baie slegte, baie stil gatpaadjies gemaak. ’n Bekende handelsbank brêg op die bord, wat herinner aan ’n inry-skerm, met hulle aandeel in ’n grondtransaksie. Nou, behalwe dat die monstrossetie skielik die, tot-nou-toe, redelik ongerepte omgewing oordonder, is dit nie of die bank enige noemenswaardige blootstelling gaan kry nie. Met die laaste telling het daar so tien karre per dag op die druiweplaaspad verbybeweeg. En dit was meestal dieselfde twee wat daagliks daar heen en weer moet ry.

 

© 2019 Die/The Bronberger