Wapadranders sing Kersliedere by Kerslig Print E-mail
News - Ons Mense
Wednesday, 18 November 2009 08:21
Untitled Document

Wapadranders hou ’n ‘Kersliedere by Kerslig’ aand op 28 November. Kinders met kerse en eie handgemaakte blakers gaan al singend teen 5 nm vanaf Wapadrandweg se doodloopstraat begin stap tot by die dammetjie in Disselboomstraat.

Liedjies word verskaf en Wapadranders gaan deur hul eie musikante begelei word. Inwoners word uitgenooi om ’n lekker piekniekmandjie te pak en opvoustoele of ’n piekniekkombers saam te vat. In die park word parkering gereserveer vir gestremdes en senior burgers. Die res van die mense kan van hul huise af stap of by die winkelkompleks parkeer.

Om jou deelname te bevestig, bel vir Marlyn von Backström by 082-415-6735 of stuur vir haar ’n e-pos na This e-mail address is being protected from spambots. You need JavaScript enabled to view it . Donasies sal waardeer word ten bate van die Paul Jungnickelhuis vir gestremdes in Lynnwoodweg-verlenging.


Kersliedere by kerslig gaan by die parkie in Disselboomstraat aangebied word
Foto: Esperance Grobler

 

© 2020 Die/The Bronberger