Het jy gehoor? / Have you heard? - Aug 2010 PDF Print E-mail
News - Het Jy Gehoor
Wednesday, 18 August 2010 02:33
Untitled Document

Moenie vergeet dat die Bronnie in September verjaar nie. Ons word agt jaar oud en nooi alle lesers en adverteerders om deel van dié baie spesiale gedenk-uitgawe te word. Bel vir Tania by 072-089-0227 of ons landlyn by 012-734-0522 om jou plek in dié versamelstuk te bespreek.

xxx

Wolf Snyckers, voorsitter van die Magalies-Bronberg Grondeienaarsvereniging (MBGV) is gediagnoseer met longkanker en ’n breingewas. Hy is geskeduleer vir ’n operasie. MBGV en Conserv-lede, bure en vriende wens hom sterkte toe met sy operasie en ’n spoedige herstel. Wolf is ’n Mooiplaatsinwoner en lid van die Boschkop Conserv-afdeling.

xxx

’n Verkeersimpakstudie is deur Corli Havenga Vervoer Ingenieurs op Garstfonteinweg- verlenging laat doen met die oog op nuwe ontwikkelings soos die beoogde Mooikloof Retail Park, 20 500 m² se kleinhandelontwikkeling, en Prairie Giants, 40 000 m² se kleinhandelontwikkeling. Volgens die studie moet Garstfonteinweg opgegradeer word om minstens drie bane te hê vanaf Mooikloof se ingang, verby Blesbokweg en tot by Newlands Staal se ingang. Alle toegangspaaie in dié deel sal met verkeersligte beheer moet word. Die studie is goedgekeur deur Kungwini en Gautrans.

xxx

Daar is ’n nuwe konstabel by Boschkop Polisiestasie. Konstabel Elmarie Ras is aangestel as die sektor-bestuurder vir GPF sektor drie, Mooiplaats en Pienaarspoort, en sektor vier, Boschkop, Kleinfontein, Donkerhoek, Tweedraght en Rhenosterfontein. Die GPF sê baie dankie aan reserwe-konstabel Bennie Malan, ’n Mooiplaats-inwoner, wat as sektor drie bestuurder ingestaan het in die afwesigheid van ’n permanente SAPD-lid.

xxx

Al die poue by Lungile Gastehuis in Garstfonteinweg-verlenging is weg. Eienares Sonya Badenhorst sê sy vermoed dat hulle opgeëet is deur die begraafplaas-plakkers.

xxx

Gretchen van der Merwe van Zwavelpoort sê dat hulle visvang advertensie in Die Bronberger so goed gewerk het, dat dit nou ’n hele nuwe bedryf aan die gang gesit het. Gretchen is baie opgewonde oor haar nuut opgegradeerde kothuis en tuineenheid vir gaste.

xxx

Laerskool Witpoort hou ’n kaas en wyn-aand op Vrydag 20 Augustus om 6.30 nm vir 7 nm. Wynversamelaars en leke is welkom om dié gesogte wynversamelings en landgoedwyne vanuit Namakwaland en die Wes-Kaap te beproef teen R120 per persoon. Bespreek by 082-452-4709 of 011-964-1241.

xxx

Lt Col McIntosh of SAPS Bronkhorstspruit Cluster Trio Team will be addressing the Boschkop Community Policing Forum on the topic of crime scene management at 7 pm on Thursday 19 August at Farm Inn.

xxx

Wet Nose Animal Rescue Centre is having an Ark On The Edge Festival on 28 August. A variety of
well-known artists will be singing to raise funds for all the homeless, abandoned, neglected and rescued pets in Wet Nose’s care. For more information phone 013-932-3941/2.

 

© 2019 Die/The Bronberger